Sting

Ég þekkti einu sinni mann, sem þoldi ekki söngvarann Sting. Mér þótti mjög vænt um þennan mann og þykir enn og alltaf þegar ég heyri einhver lög með Sting (sem mér finnast mörg hver góð) þá hugsa ég alltaf til hans. Las blogg í gær hjá Ásgeiri þar sem hann átti að skrifa texta undir áhrifum tónlistar. Skrýtið hvað tónlist hefur sterk minningaráhrif - líkt og lykt. Mætti halda að ég væri í einhverjum blús hérna... en mér líður vel, hef það gott.