...rétt handan við hornið

...er árið 2010. Bara svona ef það hafði farið framhjá lesendum.

Það er annars skrýtinn tími sem kallar á það að jólaskraut ásamt fullskreyttum jólatrjám séu komin upp í Kringlunni áður en október er úti. Læt það vera þó lítilsháttar af jólavöru sé komin í verslanir en jólaskrautið allt mátti bíða til loka nóvember.

Ekki það ég kann alveg að meta ljósaseríur sér í lagi þessar úti við því þær létta skammdegið, átak Reykjavíkurborgar sem kallast því ótrúlega skemmtilega og sniðuga nafni (já þetta er kaldhæðni) ljómandi Reykjavík er til að mynda mjög þarft.

Annars bíð ég helst spennt eftir að Kostur Jón Geralds opni svo maður geti farið að skoða hverslags vöru hann ætlar að bjóða landsmönnum upp á í samkeppni sinni við þá Bónusfeðga (eða hverjir það eru nú sem eiga það blessaða fyrirtæki í dag).