Íslenska

 Skellti mér á Laugaveginn (hálendis) og hef sjaldan átt jafn stórkostlega upplifun og þessa fjóra daga.

Yndisleg samvera við svo frábært fólk, kynntist nýju fólki, kynntist fólki betur og labbaði og labbaði og labbaði.

Unaðslegt.

Frábær endir á frábæru sumarfríi.

IPMA (International Project Management Association), hið alþjóðlega verkefnastjórnunarfélag, heldur reglulega framhaldsnámskeið fyrir verkefnastjóra þar sem þeim gefst tækifæri á að auka við þekkingu sína á ýmsum sviðum. Þetta árið eru þessi framhaldsnámskeið haldin tvisvar. Hið fyrra fór fram nú á dögunum í Hillerød, Danmörku nánar tiltekið 10.-12. Mars 2011 og hið seinna fer fram í Mílanó, Ítalíu dagana 7.-9. nóvember. Félagar í verkefnastjórnunarfélagi Íslands eiga rétt á að sækja þessi námskeið.  IPMA framhaldsnámskeiðin eru ætluð til þess að útvíkka verkefna og verkstofna stjórnunar hæfileika, hvort sem ætlunin er að auka reynsluna eða bæta hæfni við notkun aðferða eða framkomu. Þeir eru mjög viðeigandi fyrir reynda verkefnisstjóra, verkstofnastjóra, verkefna ráðgjafa og þá sem þjálfa verkefnisstjóra. Eins er mælt með þeim fyrir þá sem ætla að taka B og A vottun.

 Er stödd í Danmörku á námskeiði hjá IPMA. Algerlega frábær fyrsti og jafnframt langur dagur að baki. Ég er á námskeiði sem fókusar á markþjálfun og hópstjórnun. Gríðarlega áhugavert allt saman og opnar vissulega augu manns á nýjum möguleikum. Er með toppfólki, erum samtals 10 í mínum hluta sjö karlmenn og þrjár konur, allt danir nema ég, leiðbeinandinn sem er þýsk og einn finni. Við hófum daginn klukkan 9 í morgun og honum lauk kl. 18.30. Klst í mat og á þeim tíma hjólaði ég í 20 mínútur svo nett dösuð en kát kona sem liggur undir mjúkri sæng og slakar á eftir heita sturtu svona rétt áður en kvöldverður hefst. 

Maturinn hérna er geggjaður. Þvílíkt flottar veitingar innifaldar í þessu öllu. Ökologísk egg, mjólk, og sjálfsagt fleiri matvara, ávextir og margréttaður hádegisverður. Drykkir allir "included" líka og í dag drakk ég til að mynda hindberjagos með matnum sem framleitt er af Coca-Cola company - mmmm hindber minna mig alltaf á Noreg því þar smakkaði ég hindberjasaft í fyrsta sinn.

Námskeiðið er haldið á ráðstefnuhótelinu Pharmakon og aðstaðan er til fyrirmyndar. Hægt að fá lánuð hjól, smá líkamsrækt í kjallaranum ásamt pool borði, þythokkíi, og Wii tölvu. Verður sjálfsagt tekið á því þar í kvöld.

Þetta námskeið er ætlað advanced verkefnastjórum svo mér finnst ég virkilega lánsöm að hafa fengið þetta tækifæri. Gott networking og aukin innsýn í störf verkefnastjóra. 

Hlakka mikið til á morgun. Þá heldur námskeiðið áfram og við byrjum kl. 8.30 - vonandi hættum við ekki alveg jafnseint og í dag. Væri gott að hafa smá tíma til að hjóla um bæinn ef veður leyfir. Í hádeginu er boðið upp á ferðir og ég valdi að fara að skoða Frederiksberg kastalann. Tek myndir og set inn á morgun.

Svo fer ég að hitta Bryndísi á laugardaginn - hlakka til að knúsa mína góðu vinkonu. Og svo heim og nóg að gera í sex vikur þar til skólanum lýkur.

Janúar - chec^k

Burns Supper - check (heppnaðist frábærlega vel)

Er asskoti ánægð með lífið, allt leikur í lyndi og lífið er gott, frekar mikið að gera reyndar en það er sem betur fer tímabundið meðan skólinn varir. 

Ýmislegt í gangi, fullt af breytingum framundan meðal annars í vinnu. Enn einu sinni færist ég til húsnæðislega en vona að ég haldi starfinu enn um sinn þó virðist ekkert öruggt þar hjá borginni frekar en öðrum fyrirtækjum. Góðum vini mínum var sagt upp störfum í morgun en hann er reyndar hjá sviði sem mikill samdráttur hefur verið hjá.

Námið gengur vonum framar. Fæ góðar einkunnir en mestu skiptir að ég er að fá gríðarlega mikið út úr þessu félagslega og andlega líka. Námið er hagnýtt og nýtist rosalega vel. Mæli hiklaust með því. Býðst svo að fara til DK á námskeið í IPMA Advanced Course í mars og er að vonast til þess að það gangi eftir. Fæ sumsé ókeypis á námskeiðið en þarf að redda mér styrk fyrir ferða- og gistikostnaði. 

xoxo

ekki-gossip-girl

 Hann er kominn enn eitt árið, október með haustið í allri sinni dýrð.

Það sem einkennir október hvað mest er samt bleika slaufan, söfnun fyrir rannsóknum á brjóstakrabbameini.

Þetta málefni er alltaf mjög nálægt hjarta mínu þar sem móðir mín fékk brjóstakrabbamein og greindist einmitt í október 2002. Hún er núna búin að vera án lyfja í tvö ár  og greinist hrein. Af henni var tekið brjóst og eitlar í holhönd. Þar voru níu eitlar sýktir. Hún fór í allt ferlið, aðgerðina, lyfjameðferðina, geislann og tamoxifen. Hún var 54 ára þegar hún greindist.

Móðuramma mín greindist að mig minnir 58 ára. Hún fór líka í brjóstnám og lfiði næstum 20 ár til viðbótar. 

Ég skrifaði grein um brjóstakrabbamein árið 2002 og fann út að þrátt fyrir að þessar tvær konur sem eru svona skyldar mér hafi fengið brjóstakrabbamein þá setur það mig ekki í mikinn áhættuhóp. Ef hinsvegar ein af systrum mömmum (þær eru sex með mömmu) fær líka brjóstakrabbamein þá margfaldast áhættan fyrir mig.

Það sem setur okkur konur í áhættuhóp er ofþyngd, reykingar og pillan. Ég held mér í kjörþyngd, hætti að reykja 2001 en tek því miður enn pilluna. Einn dag mun ég hætta því.

Mamma reykti aldrei en hún var of feit líkt og amma, auk þess sem hún tók hormóna vegna breytingaskeiðsins, en sumar rannsóknir hafa tengt þá hormóna við brjóstakrabbamein. 

Eitt sem ekki allir átta sig á er að brjóstakrabbamein og brjóstakrabbamein er ekki alltaf það sama, það eru til ýmsar tegundir af krabba sem greinist í brjóstum og karlar geta líka fengið brjóstakrabba.

Ég hvet alla til að styðja málefnið. Ég keypti slaufu í morgun og prýðir einmitt mynd af henni hægra hornið uppi á þessari síðu. 1500 krónur eru ekki mikið fyrir eina manneskju en ef margir styðja málefnið þá mun upphæðin skipta sköpum.

Eins og segir í auglýsingunni í Fréttablaðinu í dag...

"fyrir allar dætur

ömmur-mömmur-systur-vinkonur-frænkur ...

Berum heilbrigði þeirra fyrir brjósti."