ICT etc.

Var að lesa grein um félagslega miðla og hvaða starfi þeir gegna fyrir fólk. Mjög áhugaverð pæling og fékk mig til að horfa inn á við. Hversvegna er ég svona opin út á við, með Facebook, Twitter, Google+, LinkedIn, blogg og fleira? 

Ég sem nýt þess að vera heima í friði. Er það vegna þess að ég er félagslyndur einfari (eins og mamma mín orðaði það svo skemmtilega)? Eru félagsmiðlarnir ekki einmitt leiðin fyrir fólk eins og mig, svo og fólk sem er hreinlega félagslega einangrað, til þess að eiga samskipti við fólk; leið til þess að hafa rödd í samfélagi sem verður sífellt hraðara og "uppteknara"; leið til þess að byggja upp sjálfið (construction of self).

Hver er ég? Hvað líkar mér? Ég get séð það með því að skoða póstana mína, "lækin" mín og vini mína. Hvað finnst ykkur?

Hér má lesa greinina!

Ég á þvottavél sem ég held að sé keypt árið 2000, svakalega flott með svona tölvuborði, sýnir tímann sem er eftir, er með time delay etc. sumsé tölva - annars lagið frýs hún og þá þarf ég að taka hana úr sambandi í nokkra daga -einskonar reboot- og svo smellur hún í gang aftur.

Ég held í hvert sinn sem hún "frýs" að nú sé hún búin að syngja sitt síðasta og fer á netið og skoða hvað ný þvottavél kostar. Nú síðast fraus vélin á föstudaginn og ég skellti mér því á netið í gærkvöld og skoðaði. Skulum orða það þannig að ég er rosa glöð að hún hrökk í gang aftur í dag :)

Í vor var ég stödd í Elko, þá var þvottavélin reyndar alveg róleg en ég ákvað að kíkja á vélar og spjalla við afgreiðslumann um þvottavélar - hann sagði mér að endingartími þvottavéla væri ekki nema svona 10 ár!! Mér finnst það nú ekki mjög góð framleiðsla.

En svona fyrst ég er farin að spjalla um neytendamál, þá versla ég stundum í Bónus og nánast undantekningalaust kaupi ég 2l Kristal. Fyrir rúmum tveimur vikum keypti ég flöskuna á 149 kr. í Bónus í Kringlunni, viku seinna keypti ég flöskuna á 169 kr. í Bónus vestur í bæ og nú síðast á föstudaginn fór ég í Bónus við Hallveigarstíg og borgaði 198 kr. fyrir stykkið! Finnst einhverjum þetta eðlileg hækkun?!

Sat frammi á kaffistofu rétt áðan og þar kom upp umræða um stöðumælasektir. Var þá bent á sniðuga lausn við að greiða í stöðumæla en með því að fara á síðuna Leggja.is þá er hægt að skrá sig þar og greiða svo í stöðumæli með farsímanum sínum.

Á eftir að prófa þetta sjálf en skilst að þetta sé stórsniðugt.

A link to a short article on the use of technology to find missing persons!

The link

The stepson of my supervisor at Napier has gone missing, the article is the description of her husband's experience with Social Networks in the search for the missing son.