Personal

Janúar - námið hófst aftur mikið að gera og mikið stuð. Varði tíma fyrir norðan í Víðigerði og hélt ásamt félögum mínum í stjórn Edinborgarfélagsins mjög vel heppnað Burns Supper.

Febrúar - Skóli, skóli og meiri skóli og fór í helgarferð með þáverandi kærasta sem var ljúf en endaði engu að síður með því að við lukum sambandinu.

Mars - Sambandi lokið og önnur ferð til Danmerkur á námskeið á vegum IPMA í Hilleröd sem var hreint frábært og einnig sólarhringsheimsókn til Bryndísar í Halmstad í Svíþjóð. Knús á þig Bryndís.

Apríl - meiri skóli, páskar og gaman gaman. Og frökenin skellti sér í tannréttingar.

Maí - afmælismánuðurinn mikli og vorið hófst, grillað á svölunum og ferð til Austin, Texas bókuð.

Júní - ferð til Austin, Texas að heimsækja Bergmann hjónin, ótrúlega gaman, 38°C og niceheit í fyrirrúmi. Stoppaði í NY á leiðinni heim í nokkra klst. Ákvað að skella mér með Labbakútum á Laugaveginn í júlí. Móðurfjölskylduhittingur fyrir austan hjá Svövu og varði viku í faðmi ættingja fyrir norðan í framhaldi af föðurfjölskylduhitting á Hrísum, Eyjafirði. Heimsótti Júlla frænda í Hrísey (fyrsta sinn þar).

Júlí - sumarfrí á svölunum og mikið gaman með vinkonunum. Gekk Laugaveginn á fjórum dögum ásamt labbakútum borgarinnar.

Ágúst - vinna, vinna og meiri vinna. Hljóp 10km í Reykjavíkurmaraþoninu. Gekk yfir Fimmvörðuháls með labbakútum borgarinnar og byrjaði aftur í skólanum.

September - skóli, vinna, dóttirin varð 18 ára og flutti að heiman.

Október - skóli, vinna og nóg að gera eins og alltaf.

Nóvember - fór til Mílanó á IMPA námskeið og vá æðisleg ferð. Vinna, skóli og næsheit áfram.

Desember - vinna, skóli, Mía át teygju (ekkert nýtt svo sem ) og í þetta sinn sat hún föst og þurfti í uppskurð. Óðinn vex og vex, allir stóðu sig vel í skólanum og ég með 8,5 í meðaleinkunn. Jólin góð og 2012 framundan.

 Summer is amazing, we are having the most fantastic weather here in Iceland and sure feels good to be on holiday right now. My tiny little balcony suits me just fine enough room for my drink and book plus it faces south so get sun during the whole day. 

I noticed that I posted something on the 15th of June and the 15th of May so even tho today is the 16th of July I decided it was time for a post. 

Second half of the year has started and soon Christmas will be upon us ;)

How time flies. Looking forward to the future but enjoying the present immensely.

xoxo

IPMA (International Project Management Association), hið alþjóðlega verkefnastjórnunarfélag, heldur reglulega framhaldsnámskeið fyrir verkefnastjóra þar sem þeim gefst tækifæri á að auka við þekkingu sína á ýmsum sviðum. Þetta árið eru þessi framhaldsnámskeið haldin tvisvar. Hið fyrra fór fram nú á dögunum í Hillerød, Danmörku nánar tiltekið 10.-12. Mars 2011 og hið seinna fer fram í Mílanó, Ítalíu dagana 7.-9. nóvember. Félagar í verkefnastjórnunarfélagi Íslands eiga rétt á að sækja þessi námskeið.  IPMA framhaldsnámskeiðin eru ætluð til þess að útvíkka verkefna og verkstofna stjórnunar hæfileika, hvort sem ætlunin er að auka reynsluna eða bæta hæfni við notkun aðferða eða framkomu. Þeir eru mjög viðeigandi fyrir reynda verkefnisstjóra, verkstofnastjóra, verkefna ráðgjafa og þá sem þjálfa verkefnisstjóra. Eins er mælt með þeim fyrir þá sem ætla að taka B og A vottun.

 Er stödd í Danmörku á námskeiði hjá IPMA. Algerlega frábær fyrsti og jafnframt langur dagur að baki. Ég er á námskeiði sem fókusar á markþjálfun og hópstjórnun. Gríðarlega áhugavert allt saman og opnar vissulega augu manns á nýjum möguleikum. Er með toppfólki, erum samtals 10 í mínum hluta sjö karlmenn og þrjár konur, allt danir nema ég, leiðbeinandinn sem er þýsk og einn finni. Við hófum daginn klukkan 9 í morgun og honum lauk kl. 18.30. Klst í mat og á þeim tíma hjólaði ég í 20 mínútur svo nett dösuð en kát kona sem liggur undir mjúkri sæng og slakar á eftir heita sturtu svona rétt áður en kvöldverður hefst. 

Maturinn hérna er geggjaður. Þvílíkt flottar veitingar innifaldar í þessu öllu. Ökologísk egg, mjólk, og sjálfsagt fleiri matvara, ávextir og margréttaður hádegisverður. Drykkir allir "included" líka og í dag drakk ég til að mynda hindberjagos með matnum sem framleitt er af Coca-Cola company - mmmm hindber minna mig alltaf á Noreg því þar smakkaði ég hindberjasaft í fyrsta sinn.

Námskeiðið er haldið á ráðstefnuhótelinu Pharmakon og aðstaðan er til fyrirmyndar. Hægt að fá lánuð hjól, smá líkamsrækt í kjallaranum ásamt pool borði, þythokkíi, og Wii tölvu. Verður sjálfsagt tekið á því þar í kvöld.

Þetta námskeið er ætlað advanced verkefnastjórum svo mér finnst ég virkilega lánsöm að hafa fengið þetta tækifæri. Gott networking og aukin innsýn í störf verkefnastjóra. 

Hlakka mikið til á morgun. Þá heldur námskeiðið áfram og við byrjum kl. 8.30 - vonandi hættum við ekki alveg jafnseint og í dag. Væri gott að hafa smá tíma til að hjóla um bæinn ef veður leyfir. Í hádeginu er boðið upp á ferðir og ég valdi að fara að skoða Frederiksberg kastalann. Tek myndir og set inn á morgun.

Svo fer ég að hitta Bryndísi á laugardaginn - hlakka til að knúsa mína góðu vinkonu. Og svo heim og nóg að gera í sex vikur þar til skólanum lýkur.

Janúar - chec^k

Burns Supper - check (heppnaðist frábærlega vel)

Er asskoti ánægð með lífið, allt leikur í lyndi og lífið er gott, frekar mikið að gera reyndar en það er sem betur fer tímabundið meðan skólinn varir. 

Ýmislegt í gangi, fullt af breytingum framundan meðal annars í vinnu. Enn einu sinni færist ég til húsnæðislega en vona að ég haldi starfinu enn um sinn þó virðist ekkert öruggt þar hjá borginni frekar en öðrum fyrirtækjum. Góðum vini mínum var sagt upp störfum í morgun en hann er reyndar hjá sviði sem mikill samdráttur hefur verið hjá.

Námið gengur vonum framar. Fæ góðar einkunnir en mestu skiptir að ég er að fá gríðarlega mikið út úr þessu félagslega og andlega líka. Námið er hagnýtt og nýtist rosalega vel. Mæli hiklaust með því. Býðst svo að fara til DK á námskeið í IPMA Advanced Course í mars og er að vonast til þess að það gangi eftir. Fæ sumsé ókeypis á námskeiðið en þarf að redda mér styrk fyrir ferða- og gistikostnaði. 

xoxo

ekki-gossip-girl