... ekkert að frétta bara nóg að gera!

og fleiri lög koma upp í hugann þegar að rignir úti... það kemur líka upp í hugann It's raining men en það er bara óskhyggja :) heh.

Það er í nógu að snúast þegar líður að lokum vorannar. Innan við tvær vikur eftir í kennslu í framhaldskólanum og yfirferð verkefna í háskólanum er á fullu. Veit ekki hvenær sér fyrir endann á því en geri ráð fyrir því að hafa lokið við að skila af mér öllu í kringum 20. maí. Mér finnst skrýtin tilhugsun að hætta að vinna því þetta eru vinnustaðir sem ég er ekki að snúa aftur til, allavega ekki í bráð. Ég hef svo sannarlega fundið mig í starfi og hef sett mér það markmið að dýpka þekkingu mína enn frekar á sviði kennslufræði og ætla að nýta margmiðlunarnámið úti algjörlega í kennslufræðilegum tilgangi. Það er frábær tilfinning að upplifa það að vera komin á rétta hillu. Ekki það að ekkert af því sem ég hef lagt stund á hingað til hefur verið röng hilla - þetta tengist allt með einum eða öðrum hætti.

Já íbúðin seldist á rétt tæpri viku. Táknrænt að þegar ég kom heim af fasteignasölunni þá beið mín bréf frá Napier University með staðfestingu á að þeir hefðu móttekið bréfið frá mér þar sem ég staðfesti að ég myndi þiggja plássið sem þeir buðu mér. ÚHHHH mar bara fær sting í magann :)

Ég ætla sko á Duran Duran tónleikana 30. júní - hver vill vera memm!

ps. áhugasömum er á bent á að við lengri færslur þarf að smella á "read more" til þess að fá alla færsluna fram :)

Gasalega smart. Framvegis verður ekkert bloggað meir á Blogger held ég því hér hef ég athvarf. Á eftir að fikta og læra en lítur spennó út.